ប៉ុន្តែថ្មីៗនេះ រដ្ឋាភិបាលទាំងពីរ បានបើកផ្លូវទូត ដើម្បីស្តារទំនាក់ទំនងឱ្យវិលត្រលប់មកភាពធម្មតាឡើងវិញ តាមរយៈការជួបពិភាក្សាដោយស្ងាត់ៗនៅក្នុងប្រទេសទីបី។ បើតាមប្រភពព័ត៌មានដែលទីភ្នាក់ងាររ៉យទ័រទទួលបាន ភ្នាក់ងារចារកិច្ចឥណ្ឌានិងប៉ាគីស្ថានបានជួបគ្នាជាច្រើនលើកនិងតាំងពីជាច្រើនខែមកហើយ នៅថៃ នៅក្រុងឡុងដ៍ ឬនៅឌូបៃ។ ប៉ុន្តែពុំមានការជូនដំណឹងជាសាធារណៈទេ ព្រោះសភាពការណ៍អាចប្រែក្រឡាស់បាននៅឡើយ។
